2016 جىلعى 19 قاڭتار,استانا قالاسى
مەملەكەتتىك ءبىلىم بەرۋ ۇيىمدارىنىڭ كىتاپحانالار قورىن قالىپتاستىرۋ,
پايدالانۋ جانە ساقتاۋ بويىنشا قاعيدالاردى بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 19-3) تارماقشاسىنا سايكەس بۇيىرامىن:
1. قوسا بەرىلىپ وتىرعان مەملەكەتتىك ءبىلىم بەرۋ ۇيىمدارىنىڭ كىتاپحانالار قورىن قالىپتاستىرۋ, قولدانۋ جانە ساقتاۋ بويىنشا قاعيدالارى بەكىتىلسىن.
2. مەكتەپكە دەيىنگى جانە ورتا ءبىلىم اقپاراتتىق تەحنولوگيالار دەپارتامەنتى (ج.ا. جونتاەۆا) زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ
قازاقستان رەسپۋبليكاسى ءبىلىم جانە عىلىم ءمينيسترىنىڭ
2016 جىلعى 19 قاڭتارداعى №44 بۇيرىعىمەن بەكىتىلگەن
مەملەكەتتىك ءبىلىم بەرۋ ۇيىمدارىنىڭ كىتاپحانالار قورىن قالىپتاستىرۋ,
پايدالانۋ جانە ساقتاۋ جونىندەگى قاعيدالارى
1. جالپى ەرەجەلەر
1. وسى مەملەكەتتىك ءبىلىم بەرۋ ۇيىمدارىنىڭ كىتاپحانالار قورىن قالىپتاستىرۋ, پايدالانۋ جانە ساقتاۋ جونىندەگى قاعيدالار (بۇدان ءارى - قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 19-3) تارماقشاسىنا سايكەس ازىرلەندى.
2. قاعيدالار وقۋ-تاربيە پروتسەسىن جانە عىلىمي زەرتتەۋلەردى بارىنشا تولىق اقپاراتپەن قامتاماسىز ەتۋ ماقساتىندا جالپى ءبىلىم بەرەتىن مەكتەپتەر (باستاۋىش, نەگىزگى ورتا جانە جالپى ورتا ءبىلىم بەرۋ), تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى بىلىمنەن كەيىنگى ءبىلىم بەرۋ ۇيىمدارى كىتاپحانالارىنىڭ اقپاراتتىق رەسۋرستاردى جانە كىتاپحانا قورلارىن قالىپتاستىرۋ سالاسىنداعى جۇمىسىنىڭ مازمۇنىن بەلگىلەيدى.
3. قاعيدالاردىڭ ەرەجەلەرىن مەملەكەتتىك ءبىلىم بەرۋ ۇيىمدارى قولدانادى.
4. قاعيدالاردا مىناداي نەگىزگى ۇعىمدار قولدانىلادى:
1) اۋىستىرىلاتىن قور – كىتاپحانالارمەن, اقپارات ورتالىقتارىمەن قۇجاتتار الماسۋعا, اقىسىز بەرۋگە جانە/نەمەسە ولاردى ۇيىمدارعا جانە جەكە تۇلعالارعا ساتۋعا ارنالعان قور;
2) جەكە (سارالانعان) ەسەپ – قورعا تۇسكەن نەمەسە ودان شىعارىلاتىن قۇجاتتىڭ ءاربىر بولەك داناسىن نەمەسە قۇجاتتىڭ ءاربىر اتاۋىن ەسەپكە الۋ نىسانىنا تىركەۋ پروتسەسى;
3) جيىنتىق (ىقپالداستىرىلعان) ەسەپ – كىتاپحانا قورىنا ءبىر ىلەسپە قۇجات: شوت-فاكتۋرا, جۇكقۇجات, اكت بويىنشا توپپەن, لەكپەن تۇسەتىن نەمەسە ودان شىعارىلاتىن كىتاپحانا قورىن ەسەپكە الۋ ءتۇرى;
4) قور – كىتاپحانانىڭ, اقپارات ورتالىعىنىڭ مىندەتتەرىنە جانە بەيىنىنە سايكەس پايدالانۋعا جانە ساقتاۋعا ارنالعان قۇجاتتاردىڭ رەتتەلگەن جيىنتىعى;
5) قوردى قالىپتاستىرۋ – قوردى جيناقتاۋ, ەسەپكە الۋ, ۇيىمداستىرۋ, قۇجاتتاردى الىپ تاستاۋ, سونداي-اق قورلاردى باسقارۋ پروتسەستەرىنىڭ جيىنتىعى;
6) قوردى ۇيىمداستىرۋ – قۇجاتتاردى قابىلداۋ, ەسەپكە الۋ, تەحنيكالىق وڭدەۋ, ورنالاستىرۋ جانە ساقتاۋ پروتسەستەرىنىڭ جيىنتىعى;
7) قوردى جيناقتاۋ – كىتاپحانانىڭ, اقپارات ورتالىعىنىڭ مىندەتتەرىنە سايكەس كەلەتىن قۇجاتتاردى انىقتاۋ, ىرىكتەۋ, تاپسىرىس بەرۋ, ساتىپ الۋ, الۋ جانە تىركەۋ پروتسەستەرىنىڭ جيىنتىعى;
8) قوردى پايدالانۋ – پايدالانۋشىلاردىڭ كىتاپحانا قورىندا بار قۇجاتتاردى پايدالانۋ دارەجەسىنىڭ جالپىلانعان سيپاتتاماسى;
9) قوردى ساقتاۋ – قوردا ساقتالاتىن قۇجاتتاردىڭ تۇتاستىعى مەن نورماتيۆتىك فيزيكالىق كۇيىن قامتاماسىز ەتۋ;
10) قوسالقى قور – اسا ءجيى سۇرالاتىن قۇجاتتاردان تۇراتىن, وقىرمان سۇرانىستارىن تەزىرەك قاناعاتتاندىرۋ ءۇشىن كىتاپحانانىڭ, اقپارات ورتالىعىنىڭ قىزمەت كورسەتۋ بولىمدەرىنە جاقىنداتىلعان قور;
11) قۇجات (ادەبيەت) – ساقتاۋ جانە قوعامدىق پايدالانۋ ماقساتىندا ۋاقىتتا جانە كەڭىستىكتە بەرۋگە ارنالعان ءماتىن, دىبىس جازۋ نەمەسە كەسكىندەمە تۇرىندەگى اقپارات تىركەلگەن ماتەريالدىق وبەكت;
12) نەگىزگى قور – كىتاپحانانىڭ, اقپارات ورتالىعىنىڭ بەيىنى بويىنشا قۇجاتتاردىڭ نەگىزگى كولەمى ەنگىزىلگەن, پايدالانۋعا جانە ساقتاۋعا ارنالعان قور;
13) وقۋلىقتار قورى – وقۋ پروتسەسىن قامتاماسىز ەتۋ ءۇشىن ۇسىنىلعان, قۇرامىنا باسىلىمداردى ءتۇرى مەن دانالىلىعىنا قاراماستان قامتيتىن مامانداندىرىلعان قوسالقى قور. وقۋلىقتار قورى مەملەكەتتىك ءبىلىم بەرۋ ۇيىمدارىنىڭ وقۋ جوسپارلارى مەن باعدارلامالارىنا سايكەس قالىپتاستىرىلادى.
2. كىتاپحانا قورىن قالىپتاستىرۋ
5. كىتاپحانا قورىن قالىپتاستىرۋ – قوردى قۇرۋ, ۇنەمى جاڭارتۋ, دامىتۋ جانە ونى جۇمىس بابىندا ۇستاۋ; كىتاپحانا قورىن مودەلدەۋ جونىندەگى بارلىق تەحنولوگيالىق پروتسەستەردىڭ جيىنتىق ۇعىمى, مەملەكەتتىك ءبىلىم بەرۋ قىزمەتىن جۇزەگە اسىرۋ ءۇشىن مەملەكەتتىك ءبىلىم بەرۋ ۇيىمدارىن اقپارات رەسۋرستارىمەن قامتاماسىز ەتۋ.
6. مەملەكەتتىك ءبىلىم بەرۋ ۇيىمدارىنىڭ اقپارات رەسۋرستارى فورمالدانعان يدەيالار مەن بىلىمدەردى, سانالۋان دەرەكتەردى, ولاردى جيناستىرۋ, ساقتاۋ جانە اقپارات كوزدەرى مەن ولاردى تۇتىنۋشىلاردىڭ اراسىندا الماسۋ ادىستەرى مەن تاسىلدەرىن بىلدىرەدى.
7. اقپارات رەسۋرستارى:
1) كەز كەلگەن تاسىمالداعىشتارداعى ءبىلىم بەرۋ ماقساتىنداعى: باسقارۋشىلىق, وقۋ, عىلىمي, وقۋ-ادىستەمەلىك, تولىق ءماتىندى, فاكتوگرافيالىق جانە بيبليوگرافيالىق دەرەكتەر بازالارىن;
2) انىقتاما - ىزدەستىرۋ جۇيەلەرىن, ءداستۇرلى جانە ەلەكتروندىق كىتاپحانا كاتالوگتارى مەن كارتوتەكالارىن;
3) جەرگىلىكتى قول جەتكىزىلەتىن ەلەكتروندىق رەسۋرستاردى;
4) ءبىلىم بەرۋ اقپاراتىن قۇرۋدى, ساقتاۋدى جانە پايدالانۋدى قامتاماسىز ەتەتىن باعدارلاما قۇرالدارىن;
5) اقپاراتتى تاراتۋ ارنالارىن;
6) ءبىلىم بەرۋ ماقساتىندا پايدالانىلاتىن قاتىناس قۇرالدارىن قامتيدى.
8. كىتاپحانا قورى اقپارات رەسۋرستارىنىڭ قۇرامداس بولىگى بولىپ تابىلادى جانە وقۋ, وقۋ-ادىستەمەلىك, عىلىمي, انىقتامالىق, وندىرىستىك-تاجىريبەلىك ادەبيەتتەردى, زاڭ شىعارۋشىلىق جانە نورماتيۆتىك قۇقىقتىق اكتىلەردى, سونداي-اق جەكە تۇلعانىڭ ءوزىن-ءوزى دامىتۋىنا ارنالعان قوسىمشا ادەبيەتتەردى قامتيدى.
9. مەملەكەتتىك ءبىلىم بەرۋ ۇيىمدارىنىڭ كىتاپحانالارى قورلارىنداعى قازاق جانە ورىس تىلدەرىندەگى باسىلىمداردىڭ سانى وقىتۋ تىلدەرى بويىنشا ءبىلىم الۋشىلاردىڭ كونتينگەنتىنە تەپە-تەڭ بولۋى ءتيىس.
10. مەملەكەتتىك ءبىلىم بەرۋ ۇيىمدارىنىڭ كىتاپحانالارىندا:
1) باستاۋىش ءبىلىم بەرۋدىڭ جالپى ءبىلىم بەرەتىن باعدارلامالارىن ىسكە اسىراتىن قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىنا جانە ءتيىستى دەڭگەيدەگى ۇلگىلىك وقۋ جوسپارلارىنا سايكەس تولىق وقىتۋ كەزەڭىندە ءبىلىم الۋشىلار كونتينگەنتىنە قاتىستى, ونىڭ ىشىندە وقىتۋ ءتىلى بويىنشا وقۋ ادەبيەتتەرى قورىنىڭ بولۋى;
2) نەگىزگى ورتا جانە جالپى ورتا ءبىلىم بەرۋدىڭ جالپى ءبىلىم بەرەتىن وقۋ باعدارلامالارىن ىسكە اسىراتىن قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىنا جانە نەگىزگى ورتا جانە جالپى ورتا ءبىلىم بەرۋدىڭ ۇلگىلىك وقۋ جوسپارلارىنا سايكەس تولىق وقىتۋ كەزەڭىندە ءبىلىم الۋشىلار كونتينگەنتىنە قاتىستى وقۋ ادەبيەتى قورىنىڭ, ونىڭ ىشىندە وقىتۋ ءتىلى بويىنشا وقۋ-ادىستەمەلىك كەشەندەر مەن ساندىق ءبىلىم بەرۋ رەسۋرستارىنىڭ بولۋى;
3) تەحنيكالىق جانە كاسىپتىك ءبىلىم بەرۋ باعدارلامالارىن ىسكە اسىراتىن قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىنا جانە ۇلگىلىك وقۋ جوسپارلارىنا سايكەس تولىق وقىتۋ كەزەڭىندە ءبىلىم الۋشىلاردىڭ كونتينگەنتىنە قاتىستى وقۋ ادەبيەتتەرى قورىنىڭ, ونىڭ ىشىندە وقىتۋ ءتىلى بويىنشا وقۋ-ادىستەمەلىك كەشەندەر مەن ساندىق ءبىلىم بەرۋ رەسۋرستارىنىڭ بولۋى;
4) ورتا بىلىمنەن كەيىنگى ءبىلىم بەرۋ باعدارلامالارىن ىسكە اسىراتىن قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىنا جانە ۇلگىلىك وقۋ جوسپارلارىنا سايكەس تولىق وقىتۋ كەزەڭىندە ءبىلىم الۋشىلاردىڭ كونتينگەنتىنە قاتىستى وقۋ ادەبيەتى قورىنىڭ, ونىڭ ىشىندە وقىتۋ تىلدەرى بويىنشا وقۋ-ادىستەمەلىك كەشەندەر مەن ساندىق ءبىلىم بەرۋ رەسۋرستارىنىڭ بولۋى;
5) جوعارى جانە جوعارى بىلىمنەن كەيىنگى ءبىلىم بەرۋ باعدارلامالارىن ىسكە اسىراتىن ماماندىقتارعا سايكەس جۇمىس وقۋ جوسپارىنىڭ نەگىزگى جانە بەيىندى پاندەرىن قامتاماسىز ەتەتىن باسپا باسىلىمدارى نۇسقاسىنداعى وقۋ جانە عىلىمي ادەبيەتتەر قورىنىڭ بولۋى قاجەت.
11. مەملەكەتتىك جوعارى ءبىلىم بەرۋ ۇيىمدارى كىتاپحانالارىنىڭ قورى وقۋ ادەبيەتتەرىن قاعاز نۇسقادا:
1) سوڭعى بەس جىل ىشىندە باسىپ شىعارىلعان الەۋمەتتىك-گۋمانيتارلىق بەيىندەگى پاندەر بويىنشا;
2) سوڭعى ون جىل ىشىندە باسىپ شىعارىلعان جاراتىلىستانۋ, تەحنيكالىق, اۋىل شارۋاشىلىعى بەيىندەگى پاندەر بويىنشا قامتيدى.
12. مەملەكەتتىك جوعارى وقۋ ورىندارىنىڭ كىتاپحانالارىنداعى ەلەكتروندىق نۇسقاداعى وقۋ جانە عىلىمي ادەبيەتتەر قورى ماماندىقتىڭ وقۋ جوسپارىنىڭ نەگىزگى جانە بەيىندى پاندەرىن قىرىق پايىز قامتاماسىز ەتەدى («اسكەري ءىس جانە قاۋىپسىزدىك» ماماندىقتارى توبىنان باسقاسى).
مەملەكەتتىك جوعارى جانە جوعارى بىلىمنەن كەيىنگى ءبىلىم بەرۋ ۇيىمدارى باسقا كىتاپحانالارمەن جانە عىلىمي ۇيىمدارمەن, ونىڭ ىشىندە رەسپۋبليكالىق جوعارى وقۋ ورىندارى اراسىنداعى ەلەكتروندىق كىتاپحانامەن شارتتارعا قول قويادى.
13. ەلەكتروندىق تاسىمالداعىشتارداعى (CD-ROM تۇرىندە) جانە ماگنيتتى تاسىمالداعىشتارداعى (فلوپپي ديسكەتتەردەگى) وقۋ جانە وقۋ-ادىستەمەلىك ادەبيەتتەرى رەتىندە مىنا ماتەريالدار ەسەپتەلەدى:
1) وقۋلىقتاردىڭ, وقۋ قۇرالدارىنىڭ ماتىندەرى جانە باعدارلامالىق پاندەردە مىندەتتى پاندەر رەتىندە قارالعان وقۋ اقپاراتى تۇرىندە ولارعا تەڭەستىرىلگەن وقۋ-ادىستەمەلىك ادەبيەت;
2) ءبىلىمدى كومپيۋتەر تەحنيكاسىمەن ديالوگتىق رەجيمدە مەڭگەرۋگە ارنالعان باعدارلامالىق وقىتۋ قۇرالدار جانە ەلەكتروندىق وقۋلىقتار;
3) ماماندىق پاندەرى بويىنشا ستۋدەنتتەردىڭ بىلىمدەرىن ارالىق جانە قورىتىندى باقىلاۋعا ارنالعان باعدارلامالىق تەستىلەۋ قۇرالدارى;
4) وقىتۋدىڭ ەلەكتروندىق تەحنيكالىق قۇرالدارىن پايدالانىپ, جازىلعان جانە كورسەتەتىن بەينەفيلمدەر مەن باسقا دا وقۋ ماتەريالدارى وقۋ جانە وقۋ-ادىستەمەلىك ادەبيەتتەر.
14. مەملەكەتتىك ءبىلىم بەرۋ ۇيىمدارى كىتاپحانالارىنىڭ بىرىڭعاي قورى ءتۇرلى تاسىمالداعىشتارداعى ءداستۇرلى قاعاز جانە ەلەكتروندىق قۇجاتتاردان قۇرالادى جانە ءبىلىم بەرۋ ۇيىمى كىتاپحاناسى جۇمىسىنىڭ باعىتتارىنا قاراي سارالانادى.
15. مەملەكەتتىك جالپى ءبىلىم بەرەتىن مەكتەپتەردىڭ بىرىڭعاي كىتاپحانا قورى نەگىزگى جانە وقۋلىقتار قورىنان قۇرالادى.
16. مەملەكەتتىك جالپى ءبىلىم بەرەتىن مەكتەپتەر كىتاپحانالارىنىڭ نەگىزگى قورىنا:
1) قوسىمشا وقۋ-ادىستەمەلىك ادەبيەتتەر, انىقتامالىق باسىلىمدار, ەنتسيكلوپەديالار, سوزدىكتەر, بيبليوگرافيالىق قۇرالدار;
2) ءبىلىمنىڭ بارلىق سالالارى بويىنشا عىلىمي-كوپشىلىك, عىلىمي-تانىمدىق باسىلىمداردى, باعدارلامالىق جانە شولىپ زەردەلەۋگە, سىنىپتان تىس وقۋعا ارنالعان كوركەم ادەبيەتتەر قورىن, سونداي-اق وقۋ باعدارلامالارىنا ەنگىزىلمەگەن كلاسسيكتەر مەن قازىرگى زامانعى جازۋشىلار شىعارمالارىن قامتيتىن تۇلعانىڭ وزدىگىنەن دامۋىنا ارنالعان ادەبيەتتەر;
3) مۇعالىمدەرگە ارنالعان پەداگوگيكالىق جانە ادىستەمەلىك باسىلىمداردىڭ قورى ەنەدى.
ۇيعىر, وزبەك جانە باسقا دا تىلدەردە وقىتاتىن مەكتەپتەردىڭ ۇلتتىق مەملەكەتتىك جالپى ءبىلىم بەرەتىن كىتاپحاناسىنىڭ نەگىزگى قورى وقىتۋ تىلىندەگى ۇلتتىق باسپا ونىمدەرىنەن قۇرالادى.
17. وقۋ ادەبيەتتەرى قورى دەگەنىمىز وقۋلىق جانە وقۋ قۇرالى ساناتىنداعى باسىلىمدار تىزبەسى بولىپ تابىلادى.
18. مەملەكەتتىك جالپى ءبىلىم بەرەتىن مەكتەپتەردىڭ وقۋلىقتار قورىنا نەگىزگى ۇسىنبالى وقۋ ادەبيەتى: بازالىق, ەكسپەريمەنتتىك جانە سىناق وقۋلىقتارى, مەكتەپ ورفوگرافيالىق سوزدىكتەرى, ماتەماتيكالىق كەستەلەر, ەسەپتەر, جاتتىعۋلار جيناقتارى جانە وقۋشىلارعا ارنالعان پراكتيكۋمدار, ديداكتيكالىق ماتەريالدار ەنەدى.
19. كورۋ قابىلەتى بۇزىلعان بالالارعا ارنالعان مەملەكەتتىك ارنايى مەكتەپتەر كىتاپحانالارىنىڭ قورىندا كورمەيتىندەرگە ارنالعان بەدەرلى-كەسكىندى جالپاق باسپا قارپىمەن, ناشار كورەتىندەرگە ارنالعان ءىرى قارىپپەن باسىپ شىعارىلعان بازالىق وقۋلىقتار تولىعىمەن ۇسىنىلادى.
20. مەملەكەتتىك تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى بىلىمنەن كەيىنگى ءبىلىم بەرۋ ۇيىمدارى كىتاپحانالارىنىڭ قورى وقۋلىقتار, وقۋ-ادىستەمەلىك, عىلىمي ادەبيەتتەر, جەكە تۇلعانىڭ وزدىگىنەن دامۋىنا ارنالعان ادەبيەتتەر قورلارىنان قۇرالادى.
21. مەملەكەتتىك جوعارى ءبىلىم بەرۋ ۇيىمدارىنىڭ وقۋلىقتار ادەبيەتتەرى قورى مەملەكەتتىك ءبىلىم بەرۋ ۇيىمىنىڭ جالپى كىتاپحانا قورىنىڭ كەمىندە الپىس ءبىر پايىزىن قۇرايدى.
22. مەنشىكتى باسپاحانالاردا, نە بولماسا باسقا باسپالاردا باسىپ شىعارىلعان وقۋ ادەبيەتتەرىنىڭ مەنشىكتى باسىلىمدارىنا كولەمى كەمىندە بەس باسپا پاراقتىق وقۋ, وقۋ-ادىستەمەلىك قۇرالدار ەنەدى. سونىمەن قاتار وقۋ ادەبيەتتەرىنىڭ (وقۋلىقتار, وقۋ قۇرالدارى) مەنشىكتى باسىلىمدارىندا حالىقارالىق ستاندارتتى كىتاپ ءنومىرى بولادى.
23. كىتاپحانالاردىڭ عىلىمي قورىنا ماماندار دايارلاۋدىڭ باعىتتارىنا جانە ماماندىقتارىنا سايكەس كەلەتىن زەرتتەۋلەر سالاسىن قامتيتىن مونوگرافيالىق, عىلىمي جانە عىلىمي-وندىرىستىك سيپاتتاعى باسىلىمدار ەنەدى.
24. عىلىمي قورعا, سونداي-اق, ەنتسيكلوپەديالار, سوزدىكتەر, انىقتامالىقتار, تۇسىنىكتەمەلەر, باعدارلاما بويىنشا وقىتىلاتىن ادەبي تۋىندىلار, ماماندار دايارلاۋ بەيىنىنە سايكەس كەلەتىن سالالىق مەرزىمدى باسىلىمدار, ونىڭ ىشىندە مەملەكەتتىك ءبىلىم بەرۋ ۇيىمىنىڭ حابارشىلارى, عىلىمي ەڭبەكتەر, حالىقارالىق كونفەرەنتسيالار جيناقتارى ەنەدى.
25. جەكە تۇلعانىڭ وزدىگىنەن دامۋىنا ارنالعان ادەبيەتتەرگە ءبىلىم الۋشىلاردىڭ مادەني جانە رۋحاني قاجەتتىلىكتەرىن دامىتۋعا ارنالعان عىلىمي-كوپشىلىك باسىلىمدار جانە كوركەم ادەبيەتتەر ەنەدى.
26. مەملەكەتتىك ءبىلىم بەرۋ ۇيىمدارىنىڭ كىتاپحانا قورىندا ۇلتتىق باسپا ونىمدەرى تولىعىمەن ۇسىنىلادى.
27. مەملەكەتتىك جالپى ءبىلىم بەرەتىن مەكتەپتەردە الەۋمەتتىك مارتەبەسىنە قاراماستان بارلىق وقۋشىلاردى تەگىن وقۋلىقتارمەن, وقۋ-ادىستەمەلىك كەشەندەرمەن قامسىزداندىرۋ مەملەكەتتىك بيۋدجەت قاراجاتتارى ەسەبىنەن جۇزەگە اسىرىلادى.
28. نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8890 بولىپ تىركەلگەن قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2013 جىلعى 27 قىركۇيەكتەگى № 400 بۇيرىعىمەن مەملەكەتتىك ءبىلىم بەرەتىن مەكتەپتەردىڭ, جالپى ءبىلىم بەرەتىن مەكتەپتەر جانىنداعى ەرەكشە ءبىلىم بەرۋگە قاجەتتىلىگى بار بالالارعا ارنالعان ارنايى مەكتەپتەر مەن ارنايى سىنىپتاردىڭ وقۋشىلارى مەن تاربيەلەنۋشىلەرىن قامتاماسىز ەتۋ ءۇشىن وقۋلىقتاردى, وقۋ-ادىستەمەلىك كەشەندەردى, قۇرالداردى جانە باسقا دا قوسىمشا ادەبيەتتەردى, ونىڭ ىشىندە مىندەتتى تىزبەگە ەنەتىن اتاۋلار بويىنشا ەلەكتروندىق تاسىمالداعىشتارداعى وقۋلىقتاردى, وقۋ-ادىستەمەلىك كەشەندەردى, قۇرالداردى جانە باسقا دا قوسىمشا ادەبيەتتەردى ساتىپ الۋ ءتورت جىلدا ءبىر مارتە تولىق تارالىممەن, مەكتەپ كىتاپحانالارىن قورلاندىرۋ تسيكلى بويىنشا وقۋ ادەبيەتىنىڭ قاجەتتى كولەمىن كەيىننەن قوسىمشا ساتىپ الا وتىرىپ جۇرگىزىلەدى.
قاجەتتى وقۋلىقتاردى قوسىمشا ساتىپ الۋ ءبىلىم الۋشىلاردىڭ بولجالدى كونتينگەنتىنىڭ جيىرما پروتسەنتىنەن اسپايتىن كولەمدە ءتورت جىلدىق تسيكلدىڭ ەكى جىلى اياقتالعاننان كەيىن جۇرگىزىلەدى.
29. وقۋشىلار مەن تاربيەلەنۋشىلەردى مەملەكەتتىك جالپى ءبىلىم بەرەتىن مەكتەپتەردىڭ, جالپى ءبىلىم بەرەتىن مەكتەپتەر جانىنداعى ەرەكشە ءبىلىم بەرۋگە قاجەتتىلىگى بار بالالارعا ارنالعان ارنايى مەكتەپتەر مەن ارنايى سىنىپتار كىتاپحانالارىنىڭ قورلارى ارقىلى كەزەكتى قارجى جىلىنا دانالار سانى, اتاۋلار, وقىتۋ سىنىپتارى مەن تىلدەرى بويىنشا وقۋلىقتارمەن قامسىزداندىرۋ قاجەتتىلىگىن جەرگىلىكتى اتقارۋشى ورگاندار بەلگىلەيدى جانە جەرگىلىكتى بيۋدجەتتەر قاراجاتتارى ەسەبىنەن قامتاماسىز ەتىلەدى. رەسپۋبليكالىق مەملەكەتتىك جالپى ءبىلىم بەرەتىن مەكتەپتەردىڭ ءبىلىم الۋشىلارى مەن تاربيەلەنۋشىلەرىن, سونداي-اق شەتەلدە تۇراتىن وتانداستارىمىزدى وقۋلىقتارمەن جانە وقۋ-ادىستەمەلىك كەشەندەرمەن قامسىزداندىرۋ قاجەتتىلىگىن مينيسترلىك بەلگىلەيدى جانە رەسپۋبليكالىق بيۋدجەت ەسەبىنەن قامتاماسىز ەتىلەدى.
مەملەكەتتىك ەمەس جالپى ءبىلىم بەرەتىن مەكتەپتەردىڭ ءبىلىم الۋشىلارى مەن تاربيەلەنۋشىلەرىن وقۋلىقتارمەن جانە وقۋ-ادىستەمەلىك كەشەندەرمەن قامسىزداندىرۋ قاجەتتىلىگىن قازاقستان رەسپۋبليكاسىنىڭ زاڭناماسىنا سايكەس ءبىلىم بەرۋ ۇيىمدارى دەربەس بەلگىلەيدى.
30. مەملەكەتتىك ءبىلىم بەرۋ ۇيىمدارىنىڭ كىتاپحانالارىنا تۇسەتىن جاڭا تۇسىمدەردىڭ كولەمى:
1) مەملەكەتتىك جالپى ءبىلىم بەرەتىن مەكتەپتەردىڭ كىتاپحاناسى ءۇشىن:
جىل سايىن قولدا بار بىرىڭعاي كىتاپحانا قورىنىڭ كەمىندە ءۇش پايىزى;
سوڭعى بەس-ون جىلدا بۇكىل وقۋلىق كىتاپحانا قورىنىڭ كەمىندە جيىرما بەس پايىزى.
2) مەملەكەتتىك تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنىڭ كىتاپحانالارى ءۇشىن:
جىل سايىن قولدا بار بىرىڭعاي كىتاپحانا قورىنىڭ كەمىندە ءۇش-بەس پايىزى;
سوڭعى بەس-ون جىلدا بۇكىل وقۋلىق كىتاپحانا قورىنىڭ كەمىندە جيىرما بەس پايىزى.
3) مەملەكەتتىك جوعارى ءبىلىم بەرۋ ۇيىمدارىنىڭ كىتاپحانالارى:
جىل سايىن قولدا بار بىرىڭعاي كىتاپحانا قورىنىڭ كەمىندە ءۇش-بەس پايىزى;
سوڭعى بەس-ون جىلدا بۇكىل وقۋلىق كىتاپحانا قورىنىڭ كەمىندە جيىرما بەس پايىزى نورماتيۆتەرگە سايكەس بولۋى ءتيىس.
31. وقۋ باسىلىمدارى مەن قۇجاتتار مەملەكەتتىك ءبىلىم بەرۋ ۇيىمدارىنىڭ قۇرىلىمدىق بولىمشەلەرىنىڭ جازباشا ءوتىنىمى بويىنشا, سونداي-اق پاندەردىڭ اتاۋى مەن ونى وقىپ-ۇيرەنەتىن ءبىلىم الۋشىلاردىڭ سانىن كورسەتە وتىرىپ, اقپاراتتىڭ بيبليوگرافيالىق كوزدەرىنەن شولۋ جانە ىرىكتەۋ جولىمەن ازىرلەنەتىن الدىن الا تاپسىرىس نەگىزىندە ساتىپ الىنادى. كىتاپحانا ءپاننىڭ قامسىزداندىرىلۋىنا سۇيەنە وتىرىپ, تاپسىرىس بەرىلەتىن باسىلىمنىڭ دانالىلىعىن تۇزەتۋگە قۇقىلى.
32. مەملەكەتتىك ءبىلىم بەرۋ ۇيىمدارى كىتاپحانالارىنىڭ وقۋلىقتار قورى «قازاقستان رەسپۋبليكاسىنىڭ ءبىلىم جانە عىلىم مينيسترلىگى رۇقسات بەرگەن» بەلگىسى بار وقۋ باسىلىمدارىنان قۇرالۋى ءتيىس.
33. وقۋ باسىلىمدارى ءاربىر ءبىلىم الۋشىنىڭ ءبىلىم بەرۋ باعدارلامالارى پاندەردىڭ بارلىق تسيكلدەرى بويىنشا جانە قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتىمەن بەكىتىلگەن ءتيىستى دەڭگەيدەگى وقۋ باعدارلامالارىنا سۇيەنىپ, سارالى تۇردە ساتىپ الىنادى.
34. مەملەكەتتىك جالپى ءبىلىم بەرەتىن مەكتەپتەر جانىنداعى ەرەكشە ءبىلىم بەرۋگە قاجەتتىلىگى بار بالالارعا ارنالعان ارنايى مەكتەپتەر مەن ارنايى سىنىپتارعا ارنالعان وقۋ باسىلىمدارى پاندەردىڭ بارلىق تسيكلدەرى بويىنشا مەملەكەتتىك ارنايى ءبىلىم بەرۋ ۇيىمدارىنىڭ (مەكتەپتەر) تۇرىنە قاراي ءبىلىم بەرۋ جانە قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتىمەن بەكىتىلگەن ءتيىستى دەڭگەيدەگى وقۋ باعدارلامالارىنا سۇيەنىپ, سارالى تۇردە ساتىپ الىنادى.
35. عىلىمي باسىلىمدار جانە قۇجاتتاردىڭ باسقا دا تۇرلەرى وقۋ زالدارىندا, ابونەمەنتتە, وقۋ كورپۋستارىنداعى كىتاپ بەرۋ پۋنكتتەرىندە وقىرمان سۇرانىستارىن قاناعاتتاندىرۋ قاعيداتىنا سۇيەنىپ ساتىپ الىنادى.
36. مەرزىمدى باسىلىمدارعا جىل سايىن جازىلۋ مەملەكەتتىك ءبىلىم بەرۋ ۇيىمىنىڭ ءاربىر بولەك كىتاپحاناسىنىڭ قاجەتتىلىكتەرىن ەسەپكە الا وتىرىپ, بىراق كەمىندە ون بەس-جيىرما بەس اتاۋ بولىپ بەلگىلەنەدى. ءبىلىم الۋشىلارعا ارنالعان مەرزىمدى باسىلىمداردىڭ اتاۋى ولاردىڭ اقپارات قاجەتتىلىكتەرىنە سايكەس كەلۋى ءتيىس.
37. جوعارى جانە جوعارى بىلىمنەن كەيىن ءبىلىم بەرۋ ۇيىمدارىنىڭ رەداكتسيالىق-باسپا بولىمىندە باسىپ شىعارىلاتىن بارلىق وقۋلىقتار, وقۋ-ادىستەمەلىك قۇرالدار, وقىتۋشىلاردىڭ قۇرالدارى, عىلىمي ەڭبەكتەر ناقتى جوعارى وقۋ ورنىنىڭ كىتاپحاناسىنا كەمىندە ون دانامەن مىندەتتى تۇردە تەگىن بەرىلەدى.
38. ءبىلىم بەرۋ ۇيىمدارىنىڭ كىتاپحانالارى وقۋ پروتسەسىن قامتاماسىز ەتۋ ءۇشىن وقىتۋ بەيىنى بويىنشا وقۋ ادەبيەتىنىڭ ءبىر اتاۋىنىڭ قاجەتتى دانالار كولەمىن ساتىپ الادى.
مەملەكەتتىك جالپى ءبىلىم بەرەتىن مەكتەپتەر كىتاپحانا قورىنا ەنەتىن مىناداي وقۋلىقتار مەن قۇرالداردى ساتىپ الادى:
1) بازالىق;
2) ەكسپەريمەنتتىك;
3) مەكتەپ ورفوگرافيالىق سوزدىكتەرىن;
4) ماتەماتيكالىق كەستەلەر;
5) ەسەپتەر, جاتتىعۋلار جيناقتارىن;
6) وقۋشىلارعا ارنالعان پراكتيكۋمدار;
7) ديداكتيكالىق ماتەريالدار.
39. كىتاپحانا قورىنا تۇسەتىن تۇراقتى, ۇزاق, ۋاقىتشا ساقتالاتىن بارلىق قۇجاتتار جانە اقپارات تاسىمالداعىشىنىڭ تۇرىنە جانە ساقتاۋ مەرزىمدەرىنە قاراماستان كىتاپحانا قورىنان شىعارىلاتىن بارلىق قۇجاتتار ەسەپكە الىنۋى ءتيىس.
40. قۇجاتتار كىتاپحاناعا ساتىپ الۋ, جازىلۋ, ايىرباستاۋ, سىيعا تارتۋ, جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ كىتاپحانالارىنا اتالعان مەملەكەتتىك جوعارى وقۋ ورىندارى باسپا ورتالىقتارى باسىلىمدارىنىڭ مىندەتتى داناسىن جەتكىزىپ بەرۋ ناتيجەسىندە كىتاپحانا قورىنا تۇسەدى جانە ەنگىزىلەدى.
41. كىتاپحانا قورىنا تۇسكەن قۇجاتتاردى ەسەپكە الۋ ولاردى تۇراقتى, ۇزاق جانە ۋاقىتشا ساقتاۋ قۇجاتتارىنا ءبولۋ جولىمەن سارالى تۇردە جۇزەگە اسىرىلادى.
42. قىزمەتتىك ماقساتتاعى ماتەريالدار: نۇسقاۋلىقتار, كىتاپحاناشىلار مەن باعدارلاماشىلاردىڭ جۇمىسىنا قاجەتتى باعدارلامالىق ونىمدەر; كىتاپحانانى بەزەندىرۋ, كىتاپحانا قورىن جيناقتاۋعا بايلانىستى ەمەس باسقا دا قوسالقى جۇمىستار ءۇشىن ساتىپ الىنعان ماتەريالدار ەسەپكە الىنبايدى جانە كىتاپحانا پايدالانۋشىلارىنىڭ سۇرانىستارىن قاناعاتتاندىرۋعا ارنالعان قورعا قوسىلمايدى.
43. ەرەكشە جاعدايدى «كىتاپحانا-بيبليوگرافيالىق جىكتەۋ», «امبەباپ وندىق جىكتەۋ كەستەلەرى», «كىتاپحانا جانە زاڭ», اۆتورلىق كەستەلەر سەكىلدى قۇجاتتار قۇرايدى.
44. جيىنتىق ەسەپ نىسانى ءداستۇرلى نەمەسە ماشينادا وقىلاتىن تۇردەگى كىتاپ, كىتاپحانا قورىن جيىنتىق ەسەپكە الۋ پاراقتارى بولىپ تابىلادى. كىتاپحانا قورىن جيىنتىق ەسەپكە الۋ كىتابىنداعى جازبا بىرلىگى كىتاپحانا قورىنا ءبىر ىلەسپە قۇجاتپەن:
1) شوت-فاكتۋرا;
2) جۇكقۇجات;
3) اكتىمەن تۇسەتىن نەمەسە ودان شىعارىلاتىن ءاربىر لەك بولىپ تابىلادى.
45. ەسەپكە الۋ نىسانىنىڭ ماتەريالدىق تاسىمالداعىشىنىڭ سيپاتىنا قاراماستان قوردىڭ قوزعالىسى تۋرالى مالىمەتتەر «كىتاپحانا قورىن جيىنتىق ەسەپكە الۋ كىتابىنىڭ» ءۇش بولىمىندە نەمەسە جيىنتىق ەسەپكە الۋدىڭ باسقا نىسانىندا تىركەلەدى:
1) ءبىرىنشى ءبولىم – «قورعا تۇسكەن ءتۇسىم»;
2) ەكىنشى ءبولىم – «قوردان شىعارۋ»;
3) ءۇشىنشى ءبولىم – «قوردىڭ قوزعالىسىنىڭ قورىتىندىلارى».
46. تۇرلەرى, مازمۇنى جانە تىلدەرى بويىنشا قۇجاتتاردىڭ ءبولىنۋىن كورسەتەتىن كورسەتكىشتەردىڭ جيناعى كىتاپحانا قورىن جيىنتىق ەسەپكە الۋ كىتابىنىڭ بارلىق ءۇش بولىگىندە نەمەسە جيىنتىق ەسەپكە الۋدىڭ باسقا نىسانىندا بىردەي.
47. كىتاپحانا قورىن جيىنتىق ەسەپكە الۋ كىتابىنداعى جازبا كىتاپحاناعا قۇجاتتاردىڭ ءبىرىنشى لەگى كەلىپ تۇسكەن ساتتەن باستاپ جۇرگىزىلەدى.
48. جەكە ەسەپكە الۋ نىساندارى كىتاپ (تۇگەندەۋ كىتابى), كارتوچكالى (ەسەپ كاتالوگىنىڭ كارتوچكاسى), پاراقتىق (اكتىمەن ەسەپكە الۋ پاراعى), ەلەكتروندىق نەمەسە كورۋ, تىڭداۋ قۇجاتتارىنىڭ تىركەۋ كارتوچكاسى بولىپ تابىلادى. اۆتوماتتاندىرىلعان تەحنولوگيا كەزىندە جەكە ەسەپكە الۋ نىساندارىنىڭ كەز كەلگەنىن قۇرۋعا ارنالعان بارلىق قاجەتتى اقپاراتى بار فايلدار ازىرلەنەدى.
49. تۇراقتى نەمەسە ۋاقىتشا ساقتالۋعا جاتاتىن قۇجاتتاردى ءبولۋ تۇتىنۋشىلىق جانە ناقتى ماڭىزدىلىعىن, قۇجاتتىڭ تۇرىنە, كولەمىنە, تاقىرىبىنا قاراماستان بۇگىنگى جانە ىقتيمال وقىرمانداردىڭ قاجەتسىنۋىن ەسكەرە وتىرىپ, ايقىندالادى.
50. مەملەكەتتىك جالپى ءبىلىم بەرەتىن مەكتەپتەردىڭ, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنىڭ كىتاپحانالارىندا قوردى جيىنتىق جانە جەكە ەسەپكە الۋدى كىتاپحانا مەڭگەرۋشىسى (ەكى جانە ودان كوپ ادامدىق شتاتى بار), كىتاپحاناشى ء(بىر ادامدىق شتاتى بار) جۇرگىزەدى.
51. مەملەكەتتىك جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىنىڭ كىتاپحاناسىندا قوردى جيىنتىق جانە جەكە ەسەپكە الۋدى كىتاپحانانىڭ جالپى قورىنا تۇسەتىن قۇجاتتاردى جيناقتاۋمەن, ەسەپكە الۋمەن جانە وڭدەۋمەن شۇعىلداناتىن قۇرىلىمدىق بولىمشە جۇرگىزەدى.
52. مەملەكەتتىك ءبىلىم بەرۋ ۇيىمدارى زاڭنامادا بەلگىلەنگەن تارتىپپەن تەڭگەرىمنەن باسىلىمداردى جانە كىتاپحانا قورلارىنان ماتەريالداردى ەسەپتەن شىعارادى.
53. قۇجاتتار كىتاپحانا قورىنىڭ ەسەبىنەن فيزيكالىق جوعالۋىنا نەمەسە تۇتىنۋشىلىق قاسيەتتەرىن ءىشىنارا نەمەسە تولىق جوعالتۋىنا بايلانىستى شىعارىلادى.
54. كىتاپحانا قورلارىنان الىپ تاستاۋ ءۇشىن قۇجاتتاردى انىقتاۋ جانە ىرىكتەۋ قورلاردى جوسپارلى تۇردە زەردەلەۋ جانە قوردى پايدالانۋ نەگىزىندە جىلىنا ءبىر مارتەدەن سيرەك ەمەس جۇرگىزىلەدى.
55. ەسەپتەن شىعارىلاتىن قۇجاتتار كىتاپحانا قورىنان الىنادى جانە ودان ءارى باسقا كىتاپحانالارعا اقىسىز بەرۋ نە بولماسا ساتۋ مۇمكىندىگىمەن ەسەپتەن شىعارىلادى.
56. قۇجاتتاردى كىتاپحانا قورىنىڭ ەسەبىنەن شىعارۋعا مىنا سەبەپتەر بويىنشا رۇقسات ەتىلەدى:
1) بەيىنسىزدىگى;
2) باسى ارتىق دۋبلەتتىلىگى;
3) توزىعى جەتكەندىگى;
4) اقاۋلىلىعى;
5) جوعالعاندىعى;
6) مازمۇنى جاعىنان ەسكىرگەندىگى.
57. مەملەكەتتىك جالپى ءبىلىم بەرەتىن مەكتەپتەردىڭ كىتاپحانالارىندا مەكتەپ وقۋلىقتارى قورى نەگىزگى كىتاپ قورىنان بولەك ەسەپكە الىنادى جانە ساقتالادى. مەكتەپ وقۋلىقتارى كىتاپحانا قورىنىڭ قۇن ەسەبىن وسى مەكتەپكە قىزمەت كورسەتەتىن بۋحگالتەريا جۇرگىزەدى.
58. جارامسىز كۇيگە جەتكەن وقۋلىقتار كوميسسيا اكتىسىمەن ەسەپتەن شىعارىلادى. كوميسسيا قۇرامىنا:
1) مەملەكەتتىك ءبىلىم بەرۋ ۇيىمى اكىمشىلىگىنىڭ وكىلدەرى;
2) كىتاپحانا قىزمەتكەرلەرى;
3) مەملەكەتتىك ءبىلىم بەرۋ ۇيىمىنىڭ بۋحگالتەرى ەنەدى.
59. مەملەكەتتىك جالپى ءبىلىم بەرەتىن مەكتەپتەردە وقۋلىقتار كىتاپحانا قورىنان قورلاندىرۋ تسيكلىنە ساي ەسەپتەن تولىعىمەن شىعارىلادى.
60. تۇگەندەۋ ءنومىرى تاعايىندالعان كورىپ-تىڭداۋ قۇجاتتارىن, ەلەكتروندىق باسىلىمداردى قوسا العاندا قۇجاتتاردىڭ بارلىق تۇرلەرى مىندەتتى جوسپارلى تەكسەرۋگە جاتادى.
61. كىتاپحانا قورىنداعى قۇجاتتاردىڭ بار-جوعىن تەكسەرۋ مىنا جاعدايدا:
1) قوردى ساقتاۋعا ماتەريالدىق جاۋاپتى ادام اۋىسقاندا;
2) قۇجاتتاردىڭ جوعالۋ, اسىرا پايدالانۋ نەمەسە ءب ۇلىنۋ فاكتىلەرى انىقتالعاندا;
3) ستيحيالىق اپات, ءورت جاعدايىندا نەمەسە وقىس جاعدايلاردان تۋىنداعان باسقا دا توتەنشە جاعدايلاردا;
4) كىتاپحانا قايتا قۇرىلعاندا نەمەسە تاراتىلعاندا مىندەتتى تۇردە جۇرگىزىلەدى.
62. تەكسەرىستەردى جۇرگىزۋ ءۇشىن مەملەكەتتىك ءبىلىم بەرۋ ۇيىمىنىڭ باسشىسى كوميسسيا تاعايىندايدى, ونىڭ قۇرامىنا بۋحگالتەريانىڭ وكىلى كىرەدى.
63. قوردى تەكسەرۋدىڭ مەرزىمدىلىگى كىتاپحانانىڭ مارتەبەسىنە, قورىنىڭ كولەمىنە, ماقساتى مەن قۇرىلىمىنا بايلانىستى:
1) سەيفتەردە ساقتالاتىن اسا قۇندى قورلار – جىل سايىن;
2) اسا سيرەك قورلار – ءۇش جىلدا ءبىر مارتە;
3) قۇندى قورلار – بەس جىلدا ءبىر مارتە;
4) ءجۇز مىڭ ەسەپتىك بىرلىككە دەيىنگى كىتاپحانا قورلارى – بەس جىلدا ءبىر مارتە;
5) ءبىر ءجۇز مىڭنان ەكى ءجۇز مىڭ ەسەپتىك بىرلىككە دەيىنگى كىتاپحانا قورلارى – جەتى جىلدا ءبىر مارتە;
6) ەكى ءجۇز مىڭنان ءبىر ميلليون ەسەپتىك بىرلىككە دەيىنگى كىتاپحانا قورلارى – ون جىلدا ءبىر مارتە;
7) ەسەپتىك بىرلىكتەرى ءبىر ميلليوننان جوعارى كىتاپحانا قورلارى – كەزەڭىمەن, بۇكىل قوردى تەكسەرۋدى ون بەس جىل ىشىندە اياقتاي وتىرىپ, تاڭداۋ تارتىبىندە بولادى.
64. كىتاپحانا قورىن جوسپارلى تەكسەرۋ جوسپارلانعان جۇمىس مەرزىمدەرى مەن كولەمىن بەلگىلەي وتىرىپ, بۇكىل قوردى نەمەسە ونىڭ ءبىر بولىگىن (ونىڭ ىشىندە سيرەك جانە قۇندى كىتاپتار) تەكسەرۋ كەستەسىنە سايكەس كەزەڭىمەن ىسكە اسىرىلادى.
65. كوشىرۋ تاسىمالداعىشتارداعى ەلەكتروندىق قۇجاتتار ءۇشىن تەكسەرىستى ەسەپكە الۋ جانە ساقتاۋ بىرلىكتەرى بويىنشا, سونداي-اق, باسىلىمنىڭ پايدالانۋعا جارامدىلىعىن ساقتاۋى تۇرعىسىندا ىسكە اسىرىلادى. CD-ROM ءۇشىن كوبىنەسە قولمەن تەكسەرۋ قولدانىلادى, باقىلاۋ سومالارى بويىنشا تەكسەرۋ دە مۇمكىن.
66. جەلىلىك جەرگىلىكتى ەلەكتروندىق قۇجاتتاردى تەكسەرۋ ساندىق كورسەتكىشتەرى (فايلدار سانى) بويىنشا, سونداي-اق, قۇجاتتاعى وزگەرىستەردى انىقتاۋعا مۇمكىندىك بەرەتىن باقىلاۋ سومالارى بويىنشا جۇزەگە اسىرىلادى.
67. ەسەپكە الۋدى سايكەستەندىرۋ ءۇشىن فايلدار تۇرلەرىنىڭ مۇمكىندىگىنشە كوبىن قامتيتىن تەكسەرۋدىڭ ستاندارتتى باعدارلامالارى قابىلدانۋى ءتيىس.
68. قاشىقتاعى جەلىلىك ەلەكتروندىق قۇجاتتاردىڭ قولجەتىمدىلىگىن تەكسەرۋ جەكە ەسەپكە الۋ تىركەلىمىندە كورسەتىلگەن كىرۋ ادرەستەرىنەن جۇزەگە اسىرىلادى.
69. شۇعىل وتكىزۋ جاعدايلارىندا اسا قۇندى ءارى سيرەك, قىمبات ءارى تاپشى باسىلىمداردى ىرىكتەمەلى تەكسەرۋ جۇرگىزىلەدى. كىتاپحانا نەمەسە كىتاپحانا قورلارى بار قۇرىلىمدىق بولىمشەنىڭ (قور ۇستاۋشى) مەڭگەرۋشىسى اۋىسقان كەزدە بۇكىل كىتاپحانا قورىن نەمەسە ونىڭ ءبىر بولىگىن تەكسەرۋ كەزەكتى تەكسەرىسكە تەڭەستىرىلەدى. وتكىزۋ تاپسىرۋ-قابىلداۋ اكتىسىمەن رەسىمدەلەدى.
70. بۇكىل كىتاپحانا قورىن نەمەسە ونىڭ ءبىر بولىگىن تەكسەرۋ كىتاپحانا قورىندا قۇجاتتاردىڭ بار-جوعىن تەكسەرۋدى وتكىزۋ ناتيجەلەرى تۋرالى اكتىنى ازىرلەۋمەن جانە وعان بەلگىسىز سەبەپتەر بويىنشا جوق قۇجاتتاردىڭ ءتىزىمىن تىركەي وتىرىپ, اياقتالادى.
71. اكتىدە:
ەسەپكە الۋ دەرەكتەرى بويىنشا كىتاپحانا قورىنىڭ قۇجاتتارى;
قولدا بار قۇجاتتار;
بەلگىسىز سەبەپتەر بويىنشا كىتاپحانا قورىندا جوق قۇجاتتاردىڭ سانى تۋرالى مالىمەتتەر تىركەلەدى.
اكتىدە الدىڭعى تەكسەرىستى وتكىزۋ تۋرالى اكتىنىڭ ءنومىرى مەن كۇنى كورسەتىلەدى.
72. قوردى تەكسەرۋ بارىسىندا جوق قۇجاتتار انىقتالعان جانە كىنالى تۇلعالاردى انىقتاۋ مۇمكىن بولماعان كەزدە جەتىسپەۋشىلىكتەر بويىنشا زالالدار قازاقستان رەسپۋبليكاسىنىڭ قولدانىستاعى زاڭناماسىنا سايكەس ەسەپتەن شىعارىلادى.
3. كىتاپحانا قورىن پايدالانۋ
73. مەملەكەتتىك ءبىلىم بەرۋ ۇيىمدارى ءاربىر ءبىلىم الۋشىنىڭ كىتاپحانا قورلارىنا جانە اقپاراتتىق ءبىلىم بەرۋ رەسۋرستارىنا ەركىن قول جەتكىزۋىن قامتاماسىز ەتەدى.
74. مەملەكەتتىك جالپى ءبىلىم بەرەتىن مەكتەپتەردىڭ كىتاپحانالارىندا وقۋلىقتار جىل سايىن ءبىرىنشى تامىزدان وقۋ ساباقتارى باستالعانعا دەيىن كەشىكتىرىلمەي بەرىلەدى. وقۋلىقتار ءتيىستى ءپاندى زەردەلەۋ مەرزىمىنە – وقۋ جىلىنىڭ سوڭىندا مىندەتتى تۇردە قايتا تىركەلۋ كەزىندە وقۋ جىلىنا نەمەسە بىرنەشە جىلعا بەرىلەدى.
75. مەملەكەتتىك جالپى ءبىلىم بەرەتىن مەكتەپتەردىڭ كىتاپحانالارىندا ءبىرىنشى-ءتورتىنشى سىنىپتاردىڭ وقۋشىلارى مۇعالىمدەر ارقىلى, بەسىنشى-ون ءبىرىنشى سىنىپتار وقۋشىلارى سىنىپ جەتەكشىلەرى نەمەسە ءتيىستى ءپان مۇعالىمدەرى ارقىلى وقۋلىقتاردى ۋاقتىلى الادى جانە قايتارادى.
الىنعان ءاربىر وقۋلىق ءۇشىن ورتا جانە ەرەسەك جاستاعى وقۋشى كىتاپ فورمۋليارىنا قول قويادى, ونى كىتاپحاناشىعا وتكىزەدى. بەرىلگەن وقۋلىقتار جازباسى بار كىتاپ فورمۋليارلارى وقۋشىلاردىڭ وقىرمان فورمۋليارلارىندا ساقتالادى. وقۋلىقتىڭ ءبىرىنشى نەمەسە سوڭعى بەتىنە ارناۋلى جەرىنە وقۋلىقتىڭ بەرىلگەن جىلى, سونداي-اق وقۋلىقتى پايدالانعان وقۋشىنىڭ تەگى مەن ەسىمى بەلگىلەنەدى.
76. وقۋ جىلىنىڭ سوڭىندا وقۋلىقتار مەكتەپ كىتاپحاناسىنا قايتارىلعان كەزدە كىتاپحاناشىلار سىنىپ جەتەكشىلەرىمەن جانە ءپان مۇعالىمدەرىمەن بىرلەسىپ, قايتارىلاتىن وقۋلىقتى قاراپ شىعادى, ونىڭ كۇيىن باعالايدى, وقۋلىقتىڭ وسىعان ارنالعان جەرىنە ءتيىستى بەلگى جاسايدى. قاجەت بولعان جاعدايدا وقۋشىلاردى قاتىستىرا وتىرىپ, وقۋلىقتاردى جوندەۋ جانە وقۋلىقتاردىڭ كىتاپحانا قورىن كەزەكتى بەرۋگە دايىنداۋ جۇمىسىن ۇيىمداستىرادى.
77. جالپى ءبىلىم بەرەتىن مەكتەپتىڭ وقۋشىسىن باسقا مەكتەپكە اۋىستىرعان كەزدە نەگىزگى قوردان الىنعان وقۋلىقتار مەن باسقا دا ادەبيەتتەر وسى ءبىلىم بەرۋ مەكەمەسىنىڭ كىتاپحاناسىندا قالادى. وقۋشى باسقا مەكتەپتە رەزەرۆ قورىنان وقۋلىقتارمەن قامتىلادى.
78. مەملەكەتتىك تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىنىڭ كىتاپحانالارى قورىنان وقۋ ادەبيەتتەرى كۋرستىڭ ۇزاقتىعىنا قاراي – وقۋ جوسپارلارىنا, باعدارلامالارىنا سايكەس بەلگىلەنگەن كولەممەن ءبىر سەمەستردەن ءبىر اكادەميالىق جىلعا دەيىن بەرىلەدى. باسقا ادەبيەتتەر كىتاپحانا اكىمشىلىگى بەلگىلەگەن مەرزىمگە بەرىلەدى.
79. مەملەكەتتىك تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىندا وقۋ اياقتالعاندا, وقۋدان شىعارىلعاندا, ءبىر وقۋ تۇرىنەن ەكىنشىسىنە اۋىسقاندا, ءبىر فاكۋلتەتتەن ەكىنشىسىنە اۋىسقاندا, اكادەميالىق دەمالىس رەسىمدەگەندە ءبىلىم الۋشى كىتاپحاناعا وزىنە جازىلعان باسىلىمداردى قايتارۋى, وقىرمان بيلەتىن العان جەرىنە وتكىزۋى جانە كىتاپحانانىڭ جاۋاپتى تۇلعاسىنان كەتۋ پاراعىنا ءتيىستى بەلگىنى الۋى ءتيىس.
4. كىتاپحانا قورىن ساقتاۋ
80. قوردىڭ فيزيكالىق جاعدايىن جانە دۇرىس ورنالاسۋ ءتارتىبىن باقىلاۋ ۇنەمى, ىشكى جۇمىس ساعاتتارىندا جانە سانيتاريالىق كۇندەردە جۇرگىزىلەدى.
81. كىتاپحانانىڭ كىتاپ قورىنىڭ ساقتالۋىن قامتاماسىز ەتۋ ماقساتىندا قۇجاتتاردى جيىنتىق جانە جەكە ەسەپكە الۋ جۇزەگە اسىرىلادى.
82. قور ۇستاۋشى بولىمدەرىنە بوگدە ادامداردىڭ كىرۋىنە رۇقسات ەتىلمەيدى.
83. مەملەكەتتىك جالپى ءبىلىم بەرەتىن مەكتەپتەردىڭ, تەحنيكالىق جانە كاسىپتىك ءبىلىم بەرۋ, ورتا بىلىمنەن كەيىنگى ءبىلىم بەرۋ, جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىنىڭ كىتاپحاناسىنا وقىرماندار تەك قىزمەت كورسەتۋ ۋاقىتىندا جانە كىتاپحاناشىنىڭ قاتىسۋىمەن كىرگىزىلەدى.
84. مەملەكەتتىك تەحنيكالىق جانە كاسىپتىك ءبىلىم بەرۋ, ورتا بىلىمنەن كەيىنگى ءبىلىم بەرۋ, جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىندا قۇجاتتاردى سىرتقا شىعارۋ ءۇشىن كىتاپحانالار باقىلاۋ-وتكىزۋ رەجيمىمەن قامتاماسىز ەتىلەدى.
85. كىتاپحانا قۇجاتتاردى قالپىنا كەلتىرۋ جانە اعىمدى جوندەۋ جۇمىستارىن ۇيىمداستىرۋدى قامتاماسىز ەتەدى.
86. قۇجاتتارعا تاعايىندالعان تۇگەندەۋ نومىرلەرىن وزگەرتۋگە جانە تۇزەتۋگە تىيىم سالىنادى.
87. كىتاپحانا قورلارىنىڭ ساقتالۋىنا ماتەريالدىق جاۋاپتى تۇلعا اۋىسقان, قۇجاتتاردىڭ جەتكىلىكسىزدىگى فاكتىلەرى انىقتالعان, كىتاپحانا قايتا قۇرىلعان جانە تاراتىلعان جاعدايلاردا كىتاپحانا قورىن سالىستىرۋ جۇرگىزىلەدى.
88. كىتاپحانا قىزمەتكەرلەرى بەلگىلەنگەن قوردى ەسەپكە الۋ, ساقتاۋ جانە پايدالانۋ ەرەجەلەرىن ساقتاۋعا مىندەتتى جانە وسى ەرەجەلەردى بۇزعانى ءۇشىن جاۋاپ بەرەدى.
89. مەملەكەتتىك ءبىلىم بەرۋ ۇيىمدارى باسشىلارىنىڭ جانە كىتاپحاناشىلاردىڭ ماتەريالدىق جاۋاپكەرشىلىگى قولدانىستاعى زاڭنامامەن رەتتەلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13070 بولىپ ەنگىزىلدى.
• 08 قازان, 2016
قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №44
سوڭعى جاڭالىقتار
استانا حالىقارالىق اۋەجايىندا رەيستەر كەشىگىپ جاتىر
وقيعا • بۇگىن, 15:50
پرەزيدەنت: توزىعى جەتكەن تەمىرجول ينفراقۇرىلىمى ءالى دە كوپ
پرەزيدەنت • بۇگىن, 15:40
ەل شورت-ترەكشىلەرى 500 مەتر قاشىقتىقتاعى سىندى قانداي ناتيجەمەن اياقتادى؟
قىسقى سپورت • بۇگىن, 15:35
پرەزيدەنت: بيزنەسكە شىن مانىندە قولايلى جاعداي جاسايتىن ناقتى شارالار قابىلداۋ كەرەك
پرەزيدەنت • بۇگىن, 15:31
قىسقى وليمپيادا: شاڭعىشىلار سپرينت سىنىندا ىرىكتەۋدەن وتە المادى
قىسقى سپورت • بۇگىن, 15:22
سولتۇستىك قازاقستاندا ەكى ايەل ءتۇتىننىڭ يىسىنەن تۇنشىعىپ قالا جازدادى
وقيعا • بۇگىن, 15:18
اتىراۋ وبلىسىندا جىل باسىنان بەرى 14 اۆتوكولىك ورتەنىپ كەتتى
ايماقتار • بۇگىن, 15:13
مەملەكەت باسشىسى ۇكىمەتكە ەلدەگى مۇناي وڭدەۋ زاۋىتتارىن جەدەل جاڭعىرتۋدى تاپسىردى
پرەزيدەنت • بۇگىن, 15:05
توقاەۆ كاسىپكەرلەردى جوسپاردان تىس تەكسەرۋدى دوعارۋدى تاپسىردى
پرەزيدەنت • بۇگىن, 15:03
پرەزيدەنت سۋ تاسقىنى مەن قۇرعاقشىلىق قاۋپىنە الدىن الا دايىندالۋدى تاپسىردى
پرەزيدەنت • بۇگىن, 14:57
توقاەۆ: شارۋالاردى مەملەكەتتىك قولداۋ جۇيەسى بارىنشا اشىق بولۋى كەرەك
شارۋاشىلىق • بۇگىن, 14:47
ساقتاندىرۋ جانە قور نارىعىن دامىتۋدىڭ باعدارلاماسى ازىرلەنەدى
ەكونوميكا • بۇگىن, 14:38
مەملەكەت باسشىسى ەكونوميكانى قولجەتىمدى كرەديتپەن قامتاماسىز ەتۋدىڭ جولىن ايتتى
پرەزيدەنت • بۇگىن, 14:33
پرەزيدەنت مەملەكەت پەن جەكە سەرىكتەستىكتى بەلسەندى پايدالانۋدى تاپسىردى
پرەزيدەنت • بۇگىن, 14:21
استانادا ماشينا جاساۋشىلار باس قوسادى
وقيعا • بۇگىن, 14:07
